حقيقة الحقائق

حقيقة الحقائق
 
الرئيسيةالرئيسية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  

شاطر | 
 

 قصة اصحاب السبت.""

اذهب الى الأسفل 
كاتب الموضوعرسالة
كلمة سر
المدير العام
المدير العام


عدد المساهمات : 109
تاريخ التسجيل : 23/02/2016

مُساهمةموضوع: قصة اصحاب السبت.""    الخميس أغسطس 23, 2018 9:42 am

عارفين عقوبة ال لف و الدوران إيه في الدين؟
اكتر قصة بجد ترعب في القرآن
"" قصة اصحاب السبت.""
...
عشان لو تدبرت القصه بعقلية اليومين دول ممكن تحس انهم معملوش حاجه غلط اوي يعني.
ربنا قالهم ماتصطادوش يوم السبت والنَّاس قاعده مفيش سمك طول الأسبوع ومش بيجي سمك غير يوم السبت فهم معملوش حاجه غير انهم حطوا الشبك الجمعه بليل ولموا السمك الحد الصبح يعني هما بنفسهم ماصطادوش يوم السبت، تحس عادي يعني هما عملوا ايه
اكيد في شيوخ عندهم قالولهم يجوز
مدام انتم بس رميتوا الشبكً
وناس منهم قالولهم واحنا مالنا
واكيد سموا الصيد بتاع السبت ده حاجه غير الصيد,
••وقتها إتقسموا ل 3 فرق ،
فرقه عصت أمر ربّها و رمت الشبك،
وفرقه رفضت بس متكلمتش و لا منعتهم عن اللي بيعملوه(ودول مجاش ليهم ذكر في القرآن)،
و الفرقه التالته اللي كانت مؤمنه و قعدت تقولهم كدا حرام و تحاول تنهيهم عن فعلهم .
لو فكرت فيها بعقلية الفهلوة بتاعت اليومين دول ممكن تلاقي انهم معملوش حاجه
بس ده ربنا غضب عليهم و لعنهم يعني أخرجهم من رحمته وجعلهم قردة خاسئين.
كل ده عشان لفوا وداروا حواليين امر ربنا سبحانه وتعالى ، تحايلوا في الدين عشان يحققوا غرضهم وفاكرين انهم خرجوا من الحرمانيه.
-----------------
أد ايه في مننا أصحاب سبت،
أد إيه في ناس النهارده عايشه بعقلية المحلل بتلف وتدور الخمرة بقت مشروبات روحيه، الرشوه بقت إكراميه، الربا فايده ،الإنفلات و الإنحلال حرية ،
واللي مش بيصلي يقولك الدين معاملة، واللي يصلي الجمعه بس ويقولك مش احسن ما أصليش (كأنه بيمن علي اللي خلقه بطاعته)
، واللي بيجمع الصلاة كلها قبل ما ينام واللي يروح صلاة الجمعه على الصلاه وربنا أمر إنك تحضر الخطبة والصلاة، والحجاب اللي بقي سبانش واللي واللي واللي،
بصراحه حالنا صعب ومش كويس ويمكن يكون ده سبب حالنا كافراد وحال الامه كلها.
المصيبه ان يكون ربنا غضبان علينا او حتى خارجين من رحمته واحنا مش حاسين وفاكرين اننا من أولياء الله الصالحين.
احنا بجد محتاجين نعامل ربنا كـ رب عظيم يأمر فيطاع-
ربنا بيقول مالكم لا ترجون لله وَقَارا-
وبيقول وما قدروا الله حق قدره
وبيقول ولو انهم فعلوا ما يوعظون به لكان خير لهم،
في قصة اصحاب السبت ربنا قال انها مواعظه للمتقين والدرس هنا اننا مانلفش وندور مع ربنا هو سبحانه عارفنا كويس ومش حتعرف تضحك عليه-هو اعلم بكم.
في الفاتحة بنقول((
اهدنا الصراط المستقيم وبنقول صراط الذين أنعمت عليهم غير المغضوب عليهم))- يعني اللي هما لفوا وداروا-والله اعلم-،
وسيدنا عمر بيقول استقيموا ولا تروغوا روغان الثعلب وربنا سبحانه وتعالى بيقول فاستقم كما امرت ومن تاب معك ولا تطغوا انه بما تعملون بصير-خلي بالك ربنا بيقول كما امرت لا كما أردت.
الموضوع مش سهل لكن يستاهل، حاول وجاهد نفسك واصبر وصابر عشان في الاخر
اللهم لا تجعلنا ممن قال فيهم الله
((قل هل ننبئكم بالأخسرين أعمالا*الذين ضل سعيهم في الحياة الدنيا و هم يحسبون أنهم يحسنون صنعا))
-إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ * نَحْنُ أَوْلِيَاؤُكُمْ فِي الْحَيَاةِ الدُّنْيَا وَفِي الْآخِرَةِ وَلَكُمْ فِيهَا مَا تَشْتَهِي أَنفُسُكُمْ وَلَكُمْ فِيهَا مَا تَدَّعُونَ * نُزُلًا مِّنْ غَفُورٍ رَّحِيمٍ )
صدق الله العظيم.

.............
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصة اصحاب السبت.""
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حقيقة الحقائق :: O?°'¨ (حقــــــــــائـــــق ووثـــــــائق مـــجــــمــــعة) ¨'°?O :: O?°'¨ (حقــــــــــائـــــق مـــجــــمــــعة) ¨'°?O-
انتقل الى: