حقائق مجمعة

حقائق مجمعة
 
الرئيسيةالرئيسية  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخول  

شاطر | 
 

 انا من العهد ده

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نورانية
المدير العام
المدير العام


عدد المساهمات : 167
تاريخ التسجيل : 23/02/2016

مُساهمةموضوع: انا من العهد ده    الثلاثاء ديسمبر 06, 2016 6:46 am

.
أغلبية الجيل إللي عاصر حرب أكتوبر هما أكتر ناس ساكتة و راضية بالوضع الحالي. مقصدش العساكر إللي حاربت، لكن أقصد الشعب إللي كان عايش في البلد و بيسمع عن الحرب في الراديو.
الناس دي إتربت في طفولتها على نغمة القومية و نموت نموت و تحيا مصر، و حتى بعد ما مصر شخصياً كانت حتموت، متعلموش، و فضلوا واقفين ورا إللي كان حيتسبب في موتها، و قالولوا أرجوك أرجوك لا تتنحى،
تموت مصر و يعيش الزعيم.
...
الجيل ده عاش أصعب لحظات الوطن، هزيمة قاسية، فساد مستشري، الأسعار غالية، الأكل بيتوزع بالبطاقة، كل أسرة بتاخد فرخة واحدة في الشهر على بطاقة التموين.
الجيل ده لو قولتلوا الناس مش لاقية تاكل، حيشتموك و يتهموك إنك خاين و عميل. لأنهم كان بيتقالهم كده أيام حرب أكتوبر.
ساعتها البلد كانت فعلا في حالة حرب، و كان كل مليم بيتدفع لشراء أسلحة و ذخيرة. عدوك كان دولة قوية و أغنى منك بمراحل. و لو حد فكر بس يقول إنه جعان، الناس كانت بتاكله ،
بقى ليك نفس تاكل و إحنا أرضنا مُحتلة.......
المشكلة إنهم لسة عايشين في المرحلة دي، مش عارفين يطلعوا منها، مش متصورين إن الدنيا إتغيرت و إن الحرب خلصت و بقى في سلام دافئ.
الناس دي مش قادرة تستوعب إنهم كان مضحوك عليهم، و إن القادة السياسيين إللي كانوا بيقولولهم إربطوا الحزام كانت كروشهم ماشية تدلدل من برة البنطلون.
مش قادرين يستوعبوا إنهم جاعوا علشان خاطر البلد، بينما كبارات البلد كانوا غرقانين في النعيم و مش عارفين يصرفوا فلوسهم في إيه.
إذا كان هما مصدقوش عيونهم و هما شايفين الوزراء و المسؤولين راكبين أفخم العربيات و ساكنين في الفيلل و القصور، حيصدقوا شوية عيال بتقول لا للفساد و نعم للتغيير.
هما متصورين إن مهما الأسعار غليت مش حتغلى زى زمان، تقولهم البلد فيها فساد، يتكوعوا كده على جنب، و يضحكوا ضحكة خبيثة و يردوا؛
هه فساد
هو إنتوا شوفتوا فساد و لا عمركم حتشوفوا زى ما إحنا شوفنا.
تقولهم الدولار بقى ب ١٨ جنيه
يقولولك و إنت مالك و مال الدولار.
الناس دي شايفة إن كل الفشخ إللي بنتفشخوا ده عادي، و ياما شوفنا زيه و أكتر منه. و إن مهما حصل ربك كريم و حيكرمنا زي ما كرم السادات.
الله يرحمه و يرحمنا........

.............
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
انا من العهد ده
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حقائق مجمعة  :: O?°'¨ (حقــــــــــائـــــق ووثـــــــائق مـــجــــمــــعة) ¨'°?O :: O?°'¨ (حقــــــــــائـــــق مـــجــــمــــعة ) ¨'°?O-
انتقل الى: