حقيقة الحقائق

حقيقة الحقائق
 
الرئيسيةالرئيسية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  

شاطر | 
 

 التعابين دي جايه منين والبييييض راح فيييين؟

اذهب الى الأسفل 
كاتب الموضوعرسالة
كلمة سر
المدير العام
المدير العام


عدد المساهمات : 88
تاريخ التسجيل : 23/02/2016

مُساهمةموضوع: التعابين دي جايه منين والبييييض راح فيييين؟   الثلاثاء يوليو 31, 2018 9:03 am

التعابين دي جايه منين والبييييض راح فيييين؟
=========
بحاول انام بقالي ساعتين مش عارف...
هو ايه حكاية التعابين؟
الحيوانات بالذات لما تلاقي لها نشاط غير طبيعي لازم تبتدي تقلق
زي الاسماك لما بتظهر بالالاف ميته علي الشواطئ
تعرف ان كان في حاجه معينه حصلت في المياه غيرت طبيعتها
فخلت الاسماك تهرب للشاطئ !
نشاط سري بقي او حاجه زي كده.. الله اعلم !!
عمال بقالي ساعتين بجمع الاخبار عن انتشار الثعابين في مصر
وكلها متركزه في الدلتا
وتحديدا في كفر الشيخ وبنها و المنوفيه كأكبر مكان يتواجد فيه حوادث ظهور ثعابين واصابة مواطنين ووفاتهم بسببها !
ثم .. بعد تصفح كل الاخبار
لقيت كام حاجه غريبه وقفت عندها !
1- التصريحات الرسميه لوزارة الزراعه عن اسباب الهجوم من الثعابين !
2- البيض السام
=============
تعالوا نحللهم سوا
1- التصريحات الرسميه لوزارة الزراعه
قالوا ان سبب هجوم الثعابين الحاد علي الاماكن دي هو الاتي
1- وجود محاجر الرمل .. فالناس بتنقل الرمل وبيكون جواه التعابين
2- وجود الخوص والبوص والعشش
3- ارتفاع درجة الحراره
4- اغسطس هو موسم التزاوج للثعابيت
5- قتل الكلاب الضاله .. طب ليه ياعم؟
قالك لان التعابين بتتغذي علي الكلاب .. ولما الشعب بدأ يقتل الكلاب الضاله في الشوارع.. حصل خلل والتعابين مش لقت حاجه تاكلها فهاجمت الناس
هنا السؤال لكل مسئول اطلق تصريح من دول في وزارة الزراعه
هو الجو دلوقتي بس بقي حر؟ ليه لما كان حر علي مدار العشروميت سنه اللي فاتوا التعابين ماعملتش غزو زي دا ؟
هو دلوقتي بس الفلاحين في القري بيعملوا اماكن من البوص؟
طول عمرنا عهدناهم كده
هو شهر اغسطس 2018 بس هو اللي كان فيه تزاوج عالي
قبل كده كل شهور اغسطس في القرن الماضي التعابين كان عندها عقم؟
هو ايه حكاية الكلاب الضاله ؟
انا عمري ما شوفت كلب هجم عليه تعبان وبلعه
اخر حاجه شوفتها عاليوتيوب كان التعبان اللي بلع فار
والفيديو انتهي ب.. لا تخرج قبل ان تقول سبحان الله !
** اسباب واهيه جدا
في ناس بتدخل تلاقي التعابين علي سريرها
في انواع تعابين ظهرت طلعت افاعي سامه مش بتتواجد في مناطق الحضر دي اصلااااااا
في ناس ماتت وناس اتصابت !!
** في حاجه مش طبيعيه يا ساده يا بتوع وزارة الزراعه
========
النقطه التانيه
البيض السام
قالك بننشر بيض سام في مناطق انتشار التعابين
يقوم التعبان ياكلها فيتسمم ويموت
جمييييل اوووي
لكن خدوا المعلومه دي اللي جايه من الجهات الرسميه
تم نشر 4 الاف بيضه ساااامه
لما رجعوا يعملوا فحص
وجدوا ان في 40% من البيض اتاكل
يعني في 1600 بيضه من ال 4 الاف التعابين كلتهم
بس لا تخرج برضو قبل ان تقول سبحان الله
لم يجدوا جثة اي ثعبااااااااان في اماكن البيض السام اللي اتاكل
يعني المفروض نلاقي 1600 تعبان ميت مسوم
مفيش ولا واحد اتوجد !
=========
نشغل دماغنا
ونفكر
لان طول عمري اه اسمع ماتمشيش في غيط بدل ما تتلدع
فلان قعد عالترعه يصطاد اتلدع مره
حوادث كده زي النوادر
انما غزو زي دا؟؟
مش مرتاح ومش هارتاح الا لما اوصل للسبب

>>>>>>>>>>>>>>>>>>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
التعابين دي جايه منين والبييييض راح فيييين؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حقيقة الحقائق :: O?°'¨ (حقــــــــــائـــــق ووثـــــــائق مـــجــــمــــعة) ¨'°?O :: O?°'¨ (حقــــــــــائـــــق مـــجــــمــــعة ) ¨'°?O-
انتقل الى: