حقائق مجمعة

حقائق مجمعة
 
الرئيسيةالرئيسية  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخول  

شاطر | 
 

 وان لم تقرا لن تفهم شيئا ... ومازلت اتحداهم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نورانية
المدير العام
المدير العام


عدد المساهمات : 167
تاريخ التسجيل : 23/02/2016

مُساهمةموضوع: وان لم تقرا لن تفهم شيئا ... ومازلت اتحداهم    الأحد يوليو 24, 2016 12:12 pm

.

وان لم تقرا لن تفهم شيئا ... ومازلت اتحداهم
حتى وان اوصلوا خنازيرهم عقر دبارنا . انا قادرين بعون الله
--------------------------------------------------------------
-
‫#‏مصـــــــــــر_هــــى_الخط_الأخيـــر‬
‫#‏أن_لم_تقرأ_لن_تدركـ_شـــــئ‬
- - -
‫#‏أنـــــا_أكرم_المصري‬
======================
-
لو راجعت الخريطة بتاعة كماشة
‫#‏داعش‬ المصنوعة أمريكيا، تلاقيها نفس الكماشة اللي حاول جنكيز خان يعملها ويحتل بواسطتها العالم...
تعال طيب نرجع لما هو أبعد من داعش..
نرجع قرون في الماضي..
علشان نعرف سوا مصر تبقي ايه بالنسبة ليهم .. وكمان مهم نعرف قيمة مصر بالنسبة لنا كلنا هي إيه...
...........
سنة 1210 چنكيز خان حاكم المغول بعت رسالة لامبراطور
‫#‏الصين‬ ..
جواب تهديد بيقول :
"قررنا إننا نضع راياتنا في كل مكان على سطح الأرض.. عن قريب كل الناس وكل الأمم حتكون خاضعة لنا"
(يا ترى الكلام دا مابيفكركش بقصص استاذية العالم وخلافة داعش؟)
إمبراطور الصين رفض التهديد وسخر منه.. ففي مارس 1211 انطلق جنكيز خان يحارب الصين علي رأس 4 جيوش.. علي كل جيش قائد من أولاده "جوجي و جوكتاي وأوكتاي وتولوي"..
الجيوش المغولية الرهيبة إقتحمت "سور العظيم" نفسه، ودمروا ونهبوا وإنسحب من أمامهم الجيش الصيني.. واحتلوا شمال الصين واستولوا على مملكة "كين" ونهبوا "بكين" وسيطروا عليها وضموا "منشوريا"...
كان للتتار أسلوب وحشي مروع يتضمن قطع الرقاب وتغريق الأسرى وحرقهم أحياء وكل مرة يقتلوا باسلوب وحشي جديد.. مبتكر...
(بيفكرك بمين الموضوع دا ياترى؟ Smile )
الرعب ده دا دفع ممالك كتير للإستسلام وللإعتراف بسيادة جيش المغول علي أراضيها..
وبعد ما خلصوا على شرق آسيا..... اتجهوا للغرب في إتجاه أوروبا والدولة الخوارزمية الاسلامية على الحدود الشرقية لمنطقة الشرق الأوسط...
في الوقت ده نفسه كان في تجارة بالدين زي دلوقتي بالضبط.. وكانت رايجة في أوروبا.. وكل ما واحد يبحث عن مجد شخصي أو يحب ينهب يعمل حملة استعمارية يسميها "حملة صليبية".. ويلم الناس تحت شعار كاذب بأن الصليب بيأمرهم بذبح المسلمين!!!!!!!! ويتحرك للشرق..
قليلين انتبهوا للقصة دي.. منهم الشاعر الإيطالي "دانتي Durante degli Alighieri" اللي كتب بصراحة إن الحملات دي أبعد ما تكون عن تعاليم المسيح وغرضها سياسي بحت.
.............
أما مصر فكانت مشغولة جدا جدا جدا
كانت مصر بتحارب حملة استعمارية أوروبية جديدة.. كانت أوروبا فهمت إن إحتلال الشرق الاوسط مش حيبدأ ولا يتم إلا بسقوط
‫#‏مصر‬ ..
وخليني أكررلك الجملة دي تاني عشان ماتضيعش منك في سياق الأحداث المثيرة:
"كانت أوروبا فهمت إن إحتلال الشرق مش حيبدأ و لا ينجح إلا بسقوط مصر"...
المهم في سبيل ده اتوجهوا لمصر بجيش هائل.. وسموا حملتهم الاستعمارية دي "الحملة الصليبية الخامسة"..
الحملة مكانش ليها أي فايدة فعليا.. لأن " جان دى بريين Jean de Brienne" كان ملك بيت المقدس شرفياً وقوافل الحجاج بتمر عادي والدنيا هادية..
بس كان هدف الحملة هو تدمير
‫#‏الجيش_المصري‬ بالكامل، كبداية لاحتلال الشرق..
وهو نفس الهدف اللي يبدو إن اصحابه ما زالوا بيسعوا إليه حتى هذه اللحظة !
خلينا نكرر الجملة دي برضه عشان ننتبه لمعناها:
"كان هدف الحملة هو تدمير الجيش المصري بالكامل، كبداية لاحتلال الشرق"
................
......
أما التتار فى أوروبا فقد بدأوا يجمعوا بعض ويحتشدوا.. وكان الهدف إنهم يبدأوا يشدوا أزرهم ويدخلوا إيطاليا ومنها علي
‫#‏ليبيا‬ (مابيفكركش بأي شيء الكلام ده؟) بحراً.. وبعدين يسيطروا علي المتوسط وينطلقوا من الشرق لغزو أوروبا كلها واحتلال العالم...
................
........
المهم الحملة الصليبية الخامسة دي إصطدمت بمصر.. وقصتها طويلة جدا.. وكلها بطولة وصراع مشوق لا يتسع المجال لسردها.. واستيلاء علي دمياط وتحرير
‫#‏دمياط‬ ومعارك في فارسكور غيرها.. لحد ما تم تدمير جيش الحملة الصليبية الخامسة علي يد الجيش المصري واستسلم قائد الحملة "للسلطان الكامل" ملك مصر في 28 يوليو 1220 ...
.......................
التتار كانوا "مكملين" بقي خلال العكّ ده.. ودخل المغول أراضي الدولة الخوارزمية الاسلامية سنة 1218 واستولوا على بخارى و سمرقند.. وبعدها.. حاصروا عاصمة الدولة الخوارزمية..
دعا السلطان "جلال الدين أكبر" حاكم خوارزم قومه للجهاد المقدس ضد التتار..
وجمع شعبه كله تقريبا وواجه المغول.. لكن للأسف اتهزموا واتقتل السلطان جلال الدين سلطان خوارزم وحصل في خوارزم مذابح رهيبة.. لدرجة إن البلاد فضل ريحتها دماء لعدة شهور ! Sad Sad
.......................
...........
مصر خلصت علي الحملة الصليبية الخامسة وبدأت تلتفت لخطر التتار..
بس "الخطة كانت إن مصر تفضل مشغولة بأزمات ورا بعض علي طول".. فجالها فريدريك التاني بحملة صليبية سادسة!!!!!!!
كان وقتها في الشام والعراق في "نخبة"...
النخبة دي كانت من كبار التجار ورجال الدين والمستشارين.. وكانت بتدعو الشام والعراق "للاستسلام"!!!!!!!!!!!!!!!!
وكان بيجي عملاء من أهل البلد وناس مأجورة تبدأ تشتغل بكلام من نوع: "إحنا مش قد المغول.. دول حياكلونا.. نستسلم أحسن.. وإيه يعني نعيش تحت حماية المغول.. إيه يعني ياخدوا قطعة من اراضينا.. بلادنا ضعيفة.. بلادنا هتقع.. الشعب مش راضي .... إلخ"
ودى كانت واحدة من أولى الآلات الإعلامية والحروب النفسية المتطورة في التاريخ.. من اجل بث روح الهزيمة وشن الحرب النفسية...
"النخبة" والعملا دول دي فضلوا يتصلوا بالمغول سراً وينافقوهم.. ومعظمهم فيما بعد اتضح انه كان جاسوس للمغول... (بيفكركم بدكاكين حقوق الانسان والنشطاء دلوقت؟؟؟ مش كده؟؟؟؟ Smile )
النخبة دي أثرت علي خليفة ‫#‏بغداد‬ وعلي "الناصر يوسف" ملك ‫#‏سوريا‬ .. ودفعتهم للتردد ومحاولة كسب ود المغول بالهدايا وغيرها!!!!!!!
في الوقت دا كان "جنكيز خان" مات..
وحفيده "هولاكو" بيكتسح قلعة الموت بتاعة الحشاشين؛ أخطر جماعة اغتيالات عسكرية عرفها التاريخ.. وبيعلن سيطرته علي فارس..
قام "بدر الدين لؤلؤ" أمير الموصل راح لهولاكو شايل كفنه على إيده ومعاه هدايا ومجوهرات وسلمه مفتاح الموصل فخلاه يفضل أمير عليها بس خد منه 20 الف جندي ضمهم لقواته وخد نساء كتير من أهل الموصل كجواري!!!!!!!!!!!!!!!!!!!
..............
........
يوم 18 يناير 1258، كان هولاكو بجيشه أمام أسوار بغداد.. وبعدما حاصر بغداد شوية.. اقتحمها في 10 فبراير 1258.. وقبض علي الخليفة ولفه في سجادة وقتلوه ضربا بالركلات
والخيانة والغدر لعبوا دور كبير فى سقوط بغداد من خلال الشيعي (نصير الدين الطوسى) اللى كان عالم وبيخترع اجهزة لهولاكو تساعده فى احتلال البلاد وخاصة فارس و والعراق.....
واللى لعب الدور الاكبر فى سقوط بغداد كان وزير الخلافة ابن العلقمى وكان شيعى برمكى (متغاظ لنكبة البرامكة من ايام الرشيد)
بعد بغداد أرسل رسالة تهديد "للناصر يوسف" ملك سوريا.. وطالبه بالاستسلام..
اجتمع "الناصر يوسف" للأسف "بالنخبة" .. فنصحوه بإن أحسن حاجة إنه يستسلم للمغول ويدخل في طاعة هولاكو..
وكان الأمير السوري - الكازاخستاني "بيبرس البندقداري" المعروف لاحقا باسم "الظاهر بيبرس" جاي من العراق وشاف جرايم المغول وحاضر المناقشة دي.. فشتمهم وقالهم انهم هم واللي زيهم السبب في كل المصايب دي...
ولما عارضه "الناصر يوسف" وطلب منه احترام "النخبة".. مشى وساب الإجتماع، وسوريا كلها، وانسحب و جه مصر ومعاه أربع آلاف من المماليك البحرية.. ورحب بيه "سيف الدين قطز" وأصبحوا أصدقاء...
بعدها دخل التتار إلى ‫#‏حلب‬ .. اللي قدر يقاتل قاتل واستشهد.. وهرب النساء والأطفال والشيوخ إلي مصر..
وسقطت "حماة" واضطر الناصر يوسف ينسحب بجيش محدود من الخوارزمية والكرد إلي
‫#‏غزة‬ .. ومنها كان جاي القاهرة.. بس اتخانق الخوارزمية والأكراد اللي معاه مع بعض.. وبدأوا يثيروا مشاكل..
فخرج له سيف الدين قطز علي رأس كتيبة ومنعه من دخول مصر.. وفضل كده لغاية ما خانوه اتنين خدامين أكراد وسلموه للمغول.. كان المغول ساعتها عدوا نهر الأردن ووصلوا حدود مصر...
...........................
................
ساعتها كانت مصر لسه متخلصة من الحملة الصليبية السادسة.. وتعبانة إقتصادياً وإجتماعيا وعسكرياً من الحملات المتكررة عليها..
كان جيشها منهك في اضعف حالاته.. وكانت متوترة سياسياً مع وفاة أقطاي وايبك وشجرة الدرّ.. وكانت بلا حاكم فعلياً...
المهم إن قطز جاله رسل المغول، وعرضوا عليه الاستسلام.. بس "الظاهر بيبرس" صديقه قال له الحقيقة.. المغول كذابين وكل بلد استسلمت إستعبدوها أو أبادوها.. وإن النخبة اللي حاتظهر وتقول له العكس.. لا نخبة ولا نيلة.. مجرد عالم معفنة مرتشية عملاء للمغول...
قطز قطع رؤوس رسل المغول نفسها، وربط جثثهم علي خيولهم واطلقها ترجع من حيث جاءت.. إلي هولاكو..
الشعب المصري كان قلقان متوتر.. يا ترى يقدر في حالة الضعف دي يتصدى للمغول؟
هنا.. قطز عمل حركة من أبرع حركات الحرب النفسية في تاريخ العالم.. وعلّق رؤوس رسل المغول أمام المصريين علي باب زويلة...
المشهد ده حسس الشعب إنه لا يقهر.. وإن قطز عارف هو بيعمل إيه.. وسبب لهولاكو صدمة نفسية مروعة شككته في نفسه حقيقي..
محدش علي الإطلاق عامل التتار بالطريقة دي
دي دول كبرى استسلمت بمجرد سماع اسمهم
طبعا كان فى دور محورى لرجال الدين زى الشيخ العز بن عبد السلام فى توعية الشعب المصري وفى حشده لمؤازة جيشه.
المهم هولاكو قبل معركة عين جالوت كان اسند قيادة جيش المغول لكبير القادة (كتبغا ينج ون) ورجع هو الى قاراقورم لوفاة اخيه والصراع اللى نشأ على الحكم..
و تقدم جيش التتار ناحية مصر بـ 600 ألف جندي تتاري.. فخرج له قطز بالجيش المصري فيه 80 ألف جندي فقط!!!!!!
هم كل اللي حيلته بعد الحملات الصليبية.. 40 ألف جندي مصري مدرب و 40 ألف من الشعب ومن الكتيبة اللي جت مصر مع الظاهر بيبرس...
قطز كان فاهم إن التتار مش من البلد ومش دارسينها ومفيش عندهم قوات استطلاع.. بينما المصريين حافظين ارضهم شبر شبر..
وفي فجر يوم الجمعة 3 سبتمبر، مع نفير الحرب وطبول المغول الرهيبة..
الظاهر بيبرس اتقدم بـ 10 آلاف جندي واشتبك مع طلائع المغول..
وبعد ساعة إنسحب..
كان "كتبغا" وزير هولاكو وقتها بيراقب الموقف وإعتقد إن هي دي كل قوات المصريين، وقرر يخلص المعركة بسرعة ويفوز بتفاحة الشرق والدرة الكبرى؛ مصر، ويسيطروا على كل الشرق الأوسط مع تبعات إختفاء ثقافته ودياناته..
فراح "كتبغا" مطارد قوات بيبرس بكل الجيش تقريبا ما عدا 20 الف جندي..
لما وصلوا إتضح إن بيبرس بيقودهم لكمين محكم للغاية في تلال منطقة "عين جالوت".. وخرج لهم قطز بالجيش الرئيسي..
وبالرغم من المفاجأة إلا إن جيش قطز كان في ضغط شديد علي ميسرته وبدأت الجنود تتخاذل، فرفع خوذته ورماها في الهواء واطلق ندائه الشهير "واإسلاماه".. اللي أشعل حماس الجنود.. وهجم بنفسه مع الجنود وأمّن الميسرة..
استمرت المعركة من الفجر لصلاة العصر.. وانتهت بهزيمة ساحقة للتتار وأسر "كتبغا" نفسه، وإرساله مربوط مقيد إلي القاهرة مع رسالة للأمير "جمال الدين أقوش"..
ونفذ الأمير "جمال الدين" أوامر قطز اللي في الرسالة وأعدم "كتبغا" في قلب
‫#‏القاهرة‬ ...
بعد نتيجة معركة عين جالوت.. هولاكو إتغاظ بشدة وغضب غضب مروع.. فمسك النخبة والآلات الإعلامية إياهم - وكان استدعاهم عشان يكافئهم - وأعدمهم واحد واحد ... Smile Smile
إنطلق بيبرس بعدها إلى ‫#‏فلسطين‬ وحررها من التتار.. وبعدين وراها دخل سوريا وسهول لبنان وشتت جيوش المغول وهزمها.. فبدأوا يستخبوا في الحقول.. فخرج عليهم الفلاحين والنساء من أهل سوريا بالطوب والعصي والفؤوس وأبادوهم عن بكرة ابيهم.. عشان يتقدم ركن الدين قطز - بعدما توفي سيف الدين قطز - مع بيبرس للعراق و يحرروها..
وكانت النهاية في 18 إبريل سنة 1277 لما اتهزم المغول علي يد الجيش المصري في معركة الأبلستين هزيمة نكراء.. ومفضلش إلا "القبيلة الذهبية"، اللي راح لها بيبرس وهي مهزومة في أضعف حالاتها وأعلن إنه لن يقاتلهم.. مما دفع قائدها وحفيد "جنكيز خان" إلي اعتناق الإسلام، واصبح اسمه "بركة خان".. الحركة السياسية دي أثرت علي تتر أوروبا معنوياً و بدأت تفرقهم..
إتعملت بعد كده معاهدات وإتفاقيات صداقة بين مصر والإمبراطورية البيزنطية والإمبراطورية الرومانية الغربية وصقلية و جمهوريات إيطاليا...
..........
*****
****** راجعوا معايا كده:
إحتلوا الصين.. جورجيا.. كوريا.. أرمينيا.. العراق.. فارس.. الشام.. الأردن.. فلسطين.. لحد ما إصطدموا بمصر....
وبعدين ساعتها بس.. اتعكست.. وبدأت تنضف.. لحد ما اتنضفت تماما...
وبكده نبقي اتكلمنا عن النخبة والإعلام.. وعن "المغول" و خريطتهم.. وعن أستاذية العالم.. وعن مين هي مصر و إزاي هي حائط الصد الأخير...
مصر مش خط أحمر و بس..
مصر هي الخط الأخير.
----------
‫#‏ياتــــــرى_وصلت_الى_اين‬ ..؟....
-
-
همسة :-
--------
ادعو الله ان تنتهى تلك الفترة التى نعيشها حاليا وباقل الخسائر
وان تنتهى تلك الحقبة من الحكم المقلقة على مصر ....
والتى قد نظل وقت طويل نعاني من ويلات خرابها وتخريبها لمصر.
بعد رحيلها ... اللهم عجل برحيل تلك الفترة ورحيل من يحكمون فيها ...
-
-
‫‏أنـــــا‬
‫‏أكرم_المصري‬
*.....................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وان لم تقرا لن تفهم شيئا ... ومازلت اتحداهم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حقائق مجمعة  :: O?°'¨ (حقــــــــــائـــــق ووثـــــــائق مـــجــــمــــعة) ¨'°?O :: O?°'¨ (حقــــــــــائـــــق مـــجــــمــــعة ) ¨'°?O-
انتقل الى: